"झिमरुक गाउँपालिकाको समृद्धिको आधार: व्यवसायिक कृषि, पर्यटन तथा वाणिज्य, सुरक्षित आवास र पूर्वाधार" भन्ने दीर्घकालिन सोचका साथ यस गाउँपालिकाले योजनाबद्ध विकासलाई अगाडि बढाइ रहेको छ । आ.व. २०७४/७५ मा पाचँ वर्षे आवधिक विकास योजना (आ.ब. २०७५/७६-२०७९/८० ) तर्जुमा भएको छ जुन आ.व. २०७५/७६ देखि​ कार्यान्यवनमा आउने छ ।  महिला, गरिव तथा वञ्‍चितिकरणमा परेका वर्गलाई विषेश प्राथमिकता दिदै समन्यायमा आधारित विकासलाई आत्मसाथ गर्दै कार्यसम्पादन गरिइएको छ ।

सीमित साधन स्रोत तथा अपर्याप्‍त जनशक्ति र पूर्वाधारको अवाभमा पनि पदाधिकारी तथा कर्मचारीको अथक प्रयासले गर्दा आ.व. 2074/075 मा उत्कृष्‍ट प्रगति हासिल भएको छ ।कूल ३६ करोड १० लाख ४४ हजार रुपैयाँ बजेट अनुमान गरिएकोमा 35 करोड ८८ लाख ६ हजार 9 सय 50 रुपैयाँ ४५ पैसा बजेट निकासा भएकोमा 31 करोड 46 लाख ९९ हजार ६६२ रुयैयाँ खर्च भएको छ । त्यसै गरी स्थानीय शासन तथा सामुदायिक विकास कार्यक्रममा १० लाख ६० हजार रुपैयाँ निकासा भएकोमा रु. ९ लाख ७७ हजार ६ सय ८६ रुपैयाँ खर्च भएको छ ।  बाँकि रकम मध्ये ४९ लाख ८१ हजार २ सय ७२ रुपैयाँ कोष फिर्ता गरिएको छ भने ३ करोड १२ लाख ८८ हजार ३ सय ३२ रुपैयाँ ४५ पैसा मौज्दात रहेको छ ।

कूल ४५ लाख ५१ हजार रुपैयाँ आन्तरिक राजस्व प्रक्षेपण गरिएकोमा ४५ लाख १६ हजार १ सय ९ रुपैयाँ उठेको छ । जुन लक्ष्यको 99.२३ प्रतिशत हुन आउँछ ।

वार्षिक योजना, कार्यक्रम र बजेटलाई थप प्रभावकारी र उपलब्धीमूलक बनाउन आवश्यक ऐन नियमको तर्जुमा गरी प्रभावकारी रुपमा कार्यान्वयन गर्ने, अनुगमन तथा मूल्याङ्कन प्रणालीलाई प्रभावकारी र वस्तुपरक बनाउने र आवश्य जनशक्तिको व्यवस्थापन गर्नु पर्ने देखिन्छ ।